Dekho door ik laash pari hay,
Chorahay k daa’en janib,
Konay par sunsaan gali k,
Kachra kundi dekh rahay ho?
Uss k paas lahoo main lipti,
Khaak aalooda bikhri bikhri,
Ghair ya apna kon hay janay!
Aao daikhain aur pehchanein
Naqsh mita dalay goli nay,
Rangat khoon main doob gai hay,
Jaib tatolo kia rakha hay?
Ye do khoon se tr gajray hain,
Das das k do note rakhay hain,
Haath jo neechay dba hua hay,
Iss ki sakht girift main kya hay?
Shayad hay school ka basta,
Jaib say ye kya jhaank raha hay?
Ik parcha hay, khat hay shayad
Tooti phooti si Urdu main,
rung brungi pencilon k…
Sub rangon say likha hua hay,
Aaj jo bhoolay basta mera,
Kutti ho jaey gi tum say,
Taafi or biscuit bhi lana
Pyaray Abu jaldi aana
Source: Unknown
Fazool man gharat
asalam alaequm
main ik site par designing sikhti hoon aj ik MSG aya us main ye nazm thi ajj se qabal kabhi esa na hua tha k mene kisi esi shairi ko design kia ho jis ka shair ka nam darj na ho ya jisey khood mene kisi mustanad kitaab se na parha ho khas kar wo shairi jo mobile par messages main ati hya j sa qabal qatai design nai kia
lekin ajj
ajj iss shairi ne majboor kar dia k ik pictorial message dia jai
main apney fann main mahir nahin par jis kisi ne ye shairi likhi hy us ney us ney baney our bolney par majboor kar dia hy
sab se tajub iss baat par hy k jis nazm k design k liye mujhey pic pasand ai wo isi site par nazm k sath mil gai , main apna design bana chuki usey post bhi kar chuki lekin ik tishnagi hy wo ye k is nazm k shair ka nahin pata
agar ap main se koi janta hy to bara e mehrbani bataiye ga
ba sad khloos main yahan design de rahi hoon
[IMG]http://i56.tinypic.com/2sbucly.png[/IMG]
Allah tala hamarey mulk ko aman o amaan ka gehwara bana de our hum log baton ki dunya se nikal kar amal ki rah main qadam barhaney waley ban jain
ameen
i m so sade 4 this condition.agar ma sadar hota to 3 din ma pore pakistan ki condition change kar deta.Allah hamare mulk ki hifazat kare ameen
Such a grim situation in Karachi, where certain criminal elements are holding the entire city hostage.
Uff Allah! Deep writing, can’t really like it because it makes me sick to the core .. but that’s true .. yehi haal hai Karachi ka, and every second city of Pakistan, either in ethnic violence or suicide blasts